Die Volledige Suid-Afrikaanse Vleiskookboek

Die Volledige Suid-Afrikaanse Vleiskookboek bevat meer as 200 beproefde resepte, wat ‘n wye verskeidenheid van vleisgeregte dek. Hierdie resepte sluit in beesvleis, lamsvleis, skaapvleis, varkvleis, kalfsvleis en bokvleis, sowel as braaivleis, tradisionele en mikrogolfgeregte, oorskietkos, geprosesseerde vleis, afval, soppe, snoephappies, souse, marinades, bedruipmengsels en gegeurde botters.

Die kookboek is omvattend, prakties en pragtig geïllustreer in volkleur. Dit bied waardevolle advies oor die seleksie, rypmaking, bevriesing, lardering, bardering, ontbening en voorsny van rooivleis, en bespreek die beste gaarmaakmetodes vir elke vleissnit. Daar is ook nuttige inligting oor die korrekte gebruik van kruie en speserye in vleisgeregte.

Die Volledige Suid-Afrikaanse Vleiskookboek is ‘n noodsaaklikheid vir alle fynproewers, studente, vleishandelaars en rooivleisliefhebbers wat op soek is na watertandresepte, van alledaagse disse tot indrukwekkende onthaalgeregte.