Die Voortreflike familie Smit: ‘n vertelling – Anna M Louw

Toestand : Goed.
Tweede uitgawe, Eerste druk, Tafelberg, 1977, Hardeband – Jeugroman – 215 pp.

Die Voortreflike Familie Smit is ‘n meevoerende vertelling oor ‘n boergesin wat stad toe verhuis en hulle daar probeer aanpas, en hule ook nie kan aanpas nie – maar in Oupa se oë ‘n bars voortreflike familie bly.

Oupa, ja: trekleier na die grootstad toe, beliggaming van die familiegees, molesmaker as hy vir sy onderwyser-kleindogter Petro begin kêrel soek. Dan is daar Grietjie, in haar matriekjaar, besig om grootmens te word – sommer so onverhoeds soos ‘n springmielie wat in ‘n ysterpot begin dy en dans en dan in ‘n yslike wil blom ontplof…

En wat van Ouma met haar gepaste spreekwoord vir elke geleentheid, Ma wat altyd die ergste verwag, die werkesel van ‘n Pa… die tweeling?

Hierdie boek word in 1968 met die Scheepers-prys bekroon. CARFO (die Christelike Afrikaanse Rolprent en Fotografiese Organisasie) maak ’n rolprent gebaseer op die boek en dit word in 1983 ook in ’n reeks vir televisie verwerk en gebeeldsend.