Lag weer oor die dag wat kom – Yvonne Retief

Toestand: Goed.
Tweede druk, Struik Christelike Boeke, 2000, Sagteband – Geestelike inslag – 205pp.

Molestering vind byna altyd in die privaatheid plaas en die meeste slagoffers praat nooit met enigiemand daaroor nie. Hulle loop hul hele lewe lank met die pyn daarvan en hul funksionering as mens word gewoonlik in ‘n mindere of meerdere mate negatief beïnvloed.

Daar is persone wat graag ‘n terapeut sou wil gaan spreek, maar weens die nie-beskikbaarheid van ‘n geskikte persoon is dit nie moontlik nie. Dan is daar diegene wie se seer só erg is dat hulle nie die moed het om daaraan te raak nie. Die doel van dié boek is om sulke mense die moed te gee om iets aan die saak te doen sodat hulle weer kan “lag oor die dag wat kom”.

Die boek is geskryf in die vorm van ‘n aantal briewe aan ‘n denkbeeldige vrou wat as jong kind deur haar oupa gemolesteer is. Sy woon op “n plattelandse dorp en het nie toegang tot “n geskikte terapeut nie. Sy en die skryfster kom ooreen om terapie-per-brief te doen.
Die boek stel die leser voor aan ‘n spesifieke tegniek wat die skrywer oor ‘n aantal jare ontwikkel het en waarmee groot sukses behaal is. Dit is geskoei op die sielkundige teorie bekend as Transaksionele Analise wat in die sestigerjare deur Eric Berne geskep is en sedertdien deur ander ontwikkel is.

In die laaste tien briewe word daar na die seksuele heelwordingsproses gekyk.

* “Bondel” opsie vir goedkoper posgeld.